ಎಲ್ಲ ನಾನೇ

 

ಪಳಗದೆಳಸು ಪಕ್ಕಗಳಿಗೆ ನಿಲುಕದಿರುವ ಲೋಕದೊಳಗೆ

ಧಗಧಗಿಸುತ ನಿಂತ ನಿನ್ನ ಭವ್ಯ ರೂಪವನ್ನೇ

ಒಡಲ ಕಿಡಿಯ ಬೆಳಕಿನಲ್ಲಿ ತವಕದಲ್ಲಿ ಅರಸಹೊರಟು 

ಮಿನುಗುತಿರುವ ಜಗದ ಮಿಣುಕುಹುಳುಗಳೆಲ್ಲ ನಾನೇ

ಗುಡ್ಡ ಬೆಟ್ಟ ಕಾನು ತೋಪಿನಚ್ಚ ಹಸುರಿನೊಳಗೆ ಕುಳಿತು

ತಂಪಿನಲರ ಶ್ರುತಿಯ ಹಿಡಿದು ನಿನ್ನ ಗಾನವನ್ನೇ

ಮಂತ್ರವಾಗಿ ಪದ್ಯವಾಗಿ ಮಧುರವಾಗಿ ಹಾಡುತಿರುವ

ಪ್ರೇಮವುಕ್ಕಿದೆದೆಯ ಹಾಡುಹಕ್ಕಿಹಿಂಡು ನಾನೇ

ಮರುಕವಿರದೆ ತರಿದು ಕೊಂದು ಬಗೆದು ತೆಗೆದ ಕರುಳ ತಿರುಳ

ಬಿಸಿಯ ನೆತ್ತರಲ್ಲಿ ನಿನ್ನ ಗಾಹಿನಾಳವನ್ನೇ

ಒಂದವರ್ಣನೀಯ ಲೇಲೆಯಲ್ಲಿ ನಿನ್ನ ಮಾಯೆಯಲ್ಲಿ

ಕಾಣಬಯಸಿ ಕೆಚ್ಚ ಮೆರೆವ ಮೃಗಸಮೂಹ ನಾನೇ

ಅರಸಿ ಹಾಡಿ ಕೊಲ್ಲುತಿಹ ಸಮಸ್ತ ಜೀವಕೋಟಿ

ಅವುಗಳಂತರಂಗದಲ್ಲಿ ನನ್ನ ನಿನ್ನ ಭೇಟಿ

Original by The Inevitable Word

https://medium.com/inevitable-word/thy-conspiracies-1a2ff969d7a3