ಮಲ್ಲಿಗೆ

 

' ಮಿಸ್ ನಮ್ಮನೇಲಿ ಬಿಟ್ಟಿದ್ದು, ಅಮ್ಮ ಕಟ್ಟಿದ್ದು ' ಎನ್ನುತ್ತಾ ಬಂದ ಪುಟ್ಟ ಕೈಗಳಿಂದ ಚೆಲ್ಲಿ ಹೋಗಿದ್ದ,

' ನಾಳೆ ನನ್ ಫ್ರೆಂಡ್ಸ್ ಥರ ಹೇರ್ಸ್ಟೈಲ್ ಮಾಡ್ಸು, ಇಲ್ಲಾಂದ್ರೆ ನಂಗೆ ಇದೆಲ್ಲ ಬೇಡ ' ಎಂದು ಮೂಗು ಮುರಿದ ಉದ್ದ ಜಡೆಯನ್ನು ಬಳಸಿದ್ದ,

ಮದುವೆಯಾದ ಹೊಸದರಲ್ಲಿ ಆತ್ತೆಯವರು, ' ಬಾ, ನಾನು ಕೂದಲಿಂದ ಬಿಡಿಸ್ತೀನಿ ' ಎನ್ನುವಾಗ ಸಂಕೋಚದಿಂದ ಮುದುರಿಹೋಗಿದ್ದ, 

ಅಮ್ಮನ ಮನೆಯಿಂದ ತಂದು ನೆಟ್ಟ ಬಳ್ಳಿಯ ಸೊಬಗು ನಿತ್ಯವೂ ಮನೆದೇವರ ಪಟವನ್ನು ಅಲಂಕರಿಸಿದ್ದ,

ಮಲ್ಲಿಗೆಯ ಕಂಪು ಇನ್ನಿಲ್ಲ.

ಈಗ, ಛಾಯಾಚಿತ್ರಕ್ಕೆ ಎಂದೂ ಬಾಡದ, ಕಂಪಿಲ್ಲದ, ಪೇಪರ್ ಮಲ್ಲಿಗೆಯ ಮಾಲೆ.